Bouk la, se pou fè repetisyon blòk kòd, olye w ekri 100 liy kòd ki ap fè menm bagay, ou ka jis mete l nan yon bouk, pou l repete l pou ou 100 fwa, san w pat bezwen ekri 100 liy kòd la.

Bouk la itilize tou pou pakouri sekans, sa vle di si w gen yon tablo plizyè eleman anndan l, si eleman yo anpil, pou w aksede chak eleman yo ou ka itilize bouk pou w pakouri tout eleman yo.

Bouk itilize tou pou w mete yon restriksyon a yon bagay ke w atann yon repons ekzat de li, ou ka mete yon bouk ki pou fòse yon bagay fèt, toutotan l pa fèt, bouk la ap repete pou l jwenn sa l bezwen an.